Молитва на хороший урожай в огороде

   На хороший урожай в огороде обращаются с молитвами к:

• апостолу и евангелисту Луке
• равноапостольным царям Константину и Елене
• священномученику Власию, епископу Севастийскому
• священномученику Харалампию
• мученику Фоке вертоградарю
• преподебному Ёвфимию Великому

    "О предивний и всехвальнии царие, святии равноапостольнии Константине и Елено! К вам, теплым заступником, возносим наши недостойныя молитвы, яко велие имате дерзновение ко Господу. Испросите у Него мир Церкви и всему миру благоденствие, начальником мудрость, пастырем попечение о пастве, пасомым смирение, старцем желанное упокоение, мужем крепость, женам благолепие, девственником чистоту, детем послушание, младенцем христианское воспитание, больным исцеление, враждующим примирение, обидимым терпение, обидящим страх Божий.
   Приходящим в храм сей и молящимся в нем святое благословение и всем и вся по коегождо прошению полезная, да хвалим и поем Благодетеля всех Бога, в Троице славимаго, Отца и Сына и Святаго Духа ныне и присно и во веки веков. Аминь".
   "Освященная и многострадальная главо, пастырю добрый словесных овец Христовых, священномучениче Христов Харалампие, Магнисийская похвало и вселенныя славо, всемирный светильни-че, великий наш заступниче и в скорбех, бедах и всяких нуждах благий помощниче! Услыши нас, грешных, к тебе прибегающих и тебе молящихся, и избави нас от всякаго злаго обстояния, ты бо приял еси от Бога благодать и силу велику за многая и тяжкая страдания твоя и терпение, еже всюду и во всем нам помогати, и наипаче идеже память твоя чтитися будет.
{mosgoogle}   Сицевая благодать дадеся ти, священномучениче Христов, от явльшагося ти Господа Царя Славы, егда на мечное тя усечение осудиша. Слышал бо еси превожделенный и сладчайший оный глас, глаголющь тебе: прииди, Харалампие, друже Мой, многия муки имене ради Моего претерпевый, и проси у Мене, еже хочеши, и Аз дам ти. И тогда рекл еси Христу Господу: Господи мой, велико мне есть от Тебе, Света Невечерняго, дарование сие; аще угодно есть Величеству Твоему молю Тя, благоволи даровати ми сицевую милость Твою, да идеже положены будут мощи мои и почитаема будет память страдания моего, не будет на месте том ни глада, ни мора, ни тлетворнаго воздуха, погубляющаго плоды, но да будет паче на месте оном мир, здравие телесем и душам спасение, изобилие пшеницы, вина и елея и умножение скотов, яже на потребу человеком.
   И отвеща тебе глас Господень: буди по прошению твоему, преславный Мой воине. И абие по глаголанйи сем Господни, предал еси душу твою прежде мечнаго посечения, и сия ко Господу взыде, ангелом сретающым ю: и тако приял еси венец славы от Божественныя руки Его с лики святых, вечно славящих пресвятое имя Господа. Такоубо во славе Небесней пребывая, призри, угодниче Божий, и на нас, грешных; молящихся тебе, и воспомяни нас пред Госпо-дем, еже даровати нам на потребу велия Его милости во веки веков. Аминь".