Молитвы о прозрении слепых очей

   В помощь о прозрении слепых очей призовите молитвы
  • Божией матери перед Казанской иконою
  • великомученику Димитрию Солунскому
  • блаженному Василию, Христа ради юродивому
  • преподобной княгине Евдокии (в инокинях Евфросинии) Московской
  • мученице Людмиле, княгине Чешской
  • Димитрию, благоверному царевичу Угличскому
  • святителю Алексию Московскому

Молитва перед Казанской иконой Пресвятой Богородицы

   "О Пресвятая Госпоже, Владычице Богородице! Со страхом, верою и любовию пред честною и чудотворною иконою Твоею при-падающе, молим Тя: не отврати лица Твоего от прибегающих к Тебе. Избави же всех, с верою Тебе молящихся, от падений греховных, от навета злых человек, от всяких искушений, скорбей, болезней, бед и внезапныя смерти. Даруй нам дух сокрушения, смирения сердца, чистоту помышлений, исправления греховной жизни и оставление пригрешений, Да вси благодарне воспевающие величия и милости Твоя, являемыя над нами зде на земле, сподобимся и Небесного Царствия, и тамо со Святыми прославим пречестное и великолепное имя Отца и Сына и Святого Духа во веки веков. Аминь".

Молитва святому великомученику Димитрию Солунскому

   "Святый великомучениче Христов Димитрие! Предстоя со дерзновением Небесному Царю, испроси у Него прощение согрешений наших и о еже избавитися нам, окаянным, от всегубительной язвы, огня и вечныя казни. Моли благость Его, еже ущедрити приход (дом) сей и храм наш. Испроси нам благодатное укрепление на дела благая, да благоугодное Владыще нашему Христу Богу зде творяще, сподобимся молитвами Твоими наследовати Царствие Небесное и тамо прославляти Его со Отцем и Святым Духом во веки веков. Аминь".

Молитва блаженному Василию, Московскому чудотворцу

   "О Великий угодниче Христов, истинный друже и верный рабе Всетворца Господа Бога, преблаженне Васйлие! Услыши ны, многогрешныя, ныне вопиющия к тебе и призывающия имя твое святое, помилуй ны, припадающия днесь к пречистому образу твоему, приими малое наше и недостойное сие моление, умилосердися над убожеством нашим, и молитвами твоими исцели всяк недуг и болезнь души и тела нашего грешнаго, и сподоби ны течение жизни сея невредимо от видимых и невидимых врагов и безгрешно прейти, и христианскую кончину непостыдну, мирну, безмятежну, и Не-беснаго Царствия наследие получити со всеми святыми во веки веков. Аминь".

Молитва святителю Алексию, митрополиту Московскому и всея Руси

   "О пречестная и священная главо и благодати Святаго Духа исполненная, Спасово со Отцем обиталище, великий архиерее, теплый наш заступниче, святителю Алексие! Предстоя у Престола всех Царя и наслаждаяся света Единосущныя Троицы и Херувимски со ангелы возглашая песнь Трисвятую, великое же и неизсяедованное дерзновение имея ко Всемилостивому Владыце, молися пастви твоея спасти люди, единородный ти язык: благостояние святых церквей утверди, архиереи благолепием святительства украси; монашествующая к подвигам добраго течения укрепи; град сей и вся грады И страны добре сохрани, и веру святую непорочну соблюсти умоли, мир весь предстательством твоим умири, от глада и пагубы избави ны, и от нападения иноплеменных сохрани; старыя утеши, юныя настави, безумныя умудри, вдовицы помилуй, сироты заступи, младенцы возрасти, плененныя возврати, немощствующия исцели и везде тепле призывающих тя и с верою притекающих к раце честных и многоцелебных мощей твоих, усердно припадающих и молящихся тебе, от всяких напастей и бед ходатайством твоим свободи, да зовем ти: о, богоизбранный пастырю, звездо всесветлая мысленныя тверди, тайнаго Сиона необоримый столпе, миродохновенный цвете райский, всезлатая уста слова, Московская похвало, всея России украшение! Моли о нас Всещедраго и Человеколюбиваго Христа, Бога нашего, да в День страшнаго пришествия Его шуияго стояния избавит нас, и радости святых причастники сотворит со всеми святыми во веки. Аминь".

Молитва святому Димитрию, благоверному царевичу Угличскому

   "О великий и милостивый страстотерпче, царевичу Димитрие! Услыши нас, грешных, моление со усердием тебе приносящих, и помози нам в жизни сей, от грехов, бед и скорбей избавляя, и в будущем веце буди помощник и заступник, от мучений адов вобождая и сподобляя купно с тобою поклонятися и воспевати Всесвятую Троицу, Отца и Сына и Святаго Духа, ныне и присно и во веки веков. Аминь".

Молитва святому Димитрию, благоверному царевичу Угличскому

   "О святый мучениче, благоверный царевичу и княже Димитрие! Яко агнец незлобив от раба заколенный, венцем царским от Господа венчался еси, и сын царев быв, мученик непобедим явился еси, и вместо земных и тленных на Небеси нетленное восприял еси.
   И ныне предстоя в радости Святей Троице, посещай творящыя верно твою светоносную память: соблюдай отечествие твое и град твой невредим, тому бо еси утверждение; утверди православных жительство в мире глубоце: междоусобную брань укроти, и вся полезная даруй всегда людем твоим молитвами твоими, да верою и любовию вопием: ти радуйся, святе Дмитрие, верных людей теплый заступниче и прибежище и земли Российския украшение. Аминь".