Молитва Пресвятой Богородице перед Ее Озерянской иконой
"От суеты житейския возникше и ума своего помыслы во едино собравше, ко Твоей, Богородице, иконе очи душ и телес наших воздвизаем, и Тебе взываем сице: не остави, Пречистая, нас, немощных, во гресех наших растлетися, не попусти злому демону души наша от Сына Твоего в дебри страстей отгнати, но помози нам Того заповеди присно памятовати, да ниже блудным возбешением себе предаем, ниже друг друга злобою угрызаем, но якоже днесь, святыни Твоей предстояще, о исправлении жития нашего ревностию распаляемся, тако и от храма Твоего, в дома своя отшедше, сие доброе намерение сохранити потщимся.
По сих же и телесныя наша нужды утоли, и горести Твоею молитвою исцели, Всепетая. Вемы, яко подобаше нам паче вся сия благодушие претерпевати и точию о терпении в скорбех Господа просити: но понеже изнемогают в печалях душы наша и помыслы уныния нашу колеблют веру, сего ради в сокрушении сердец к Тебе сице взываем.
Якоже безчисленныя болящыя страдальцы исцелила еси и скорбящыя утешила еси, тако и нас Пред Чудотворною Твоею иконою припадающих и в скорби Тебе молящихся услыши, и всех проше
ния во благое исполни, болящым здравие, скорбящым утешение подающи, во вражде сущым мир от Бога низпосылающи, сомнящымся же веры утверждение.
Услыши грешныя рабы Твоя, "Пречистая, воздвигни нас на благодарственное Тя славословие, да умножится вера людей Твоих, да Прославится в них Твое заступление, да тако Царствие Сына Твоего посреди нас утвердится. Емуже подобает всякая слава, честь и поклонение, со Безначальным Его Отцем и Пресвятым и Благим и Животворящим Духом, ныне и присно и во веки веков. Аминь".
Молитва святому славному пророку Божию Илии
"О прехвальный и пречудный пророче Божий Илие, просиявый на земли равноангельным житием твоим, пламеннейшего ревностию по Господе Бозе Вседержителе, еще же знамении и чудесы преславными, таже, по крайнему благоволению к тебе Божию, преестественно восхищенный на огненней колеснице с плотию твоею на небо сподобльшийся беседовати с преобразившимся на Фаворе Спасителем мира и ныне в райских селениях непрестанно пребываяй и предстояй Престолу Небеснаго Царя. Услыши нас, грешных и непотребных, в час сей предстоящих пред святою твоею иконою и усердно прибегающих к ходатайству твоему. Моли о нас Человеколюбна Бога, да подаст нам дух покаяния и сокрушения о гресех наших, и всесильною Своею благодатию да поможет нам оставити пути нечестия, преспевати же во всяком деле блазе; да укрепит нас в борьбе со страстьми и похотьми нашими; да всадит в сердце наше дух смирения и кротости, дух братолюбия и незлобия, дух терпения и целомудрия, дух ревности к славе Божией и спасению ближних. Упраздни молитвами твоими, пророче, злыя обычаи мира, паче же погибельный и тлетворный дух века сего, заражающий христианский род неуважением к Божественной православной вере, к уставом Святыя Церкве и к заповедем Господним, непочтением к родителем и властем предержащим и низвергающий людий в бездну нечестия, развращения и погибели. Отврати от нас, пречудйепророче, предстательством твоим праведный гнев Божий и избави вся грады и веси отечества нашего от бездождия и глада, от страшных бурь и землетрясений, от смертоносных язв и болезней, от Нашествия врагов и междоусобныя брани. Укрепи твоими молитвами, преславне, предержащия власти наша в велицем их многотруднем подвизе народоправления, благопоспешествуй им во всех благих деяниях и начинаниях к водворению мира и правды в стране нашей. Пособствуй христолюбивому воинству во бранех со врагами нашими. Испроси, пророче Божий, от Господа пастырем нашим святую ревность по Бозе, сердечное попечение о спасении пасомых, мудрость во учении и управлении, благочестие и крепость во искушениях, судиям испроси нелицеприятие и бескорыстие, правоту и сострадание к обидимым, всем начальствующим попечение о.подчиненных, милость и правосудие, подчиненным же покорность и послушание ко властем и усердное исполнение своих обязанностей, да тако в мире и благочестии поживше в сем веце, сподобимся причастия вечных благ в Царствии Господа и Спаса нашего Иисуса Христа. Ему же подобает честь и поклонение, со Безначальным Его Отцем и Пресвятым Духом во веки веков. Аминь".
Молитва преподобному Иринарху, затворнику Ростовскому
"О великий угодниче Христов, добропроизвольный страдальче, новопросиявый чудесы, отче наш Иринарше. Российстей земли удобрение, граду Ростову похвало, обители сей велие украшение и утвреждение! Кто не удивится твоему самопроизвольному и долголетнему страдальческому терпению: тридесеть бо лет в тесней и хладней хижине себе заключил еси, хлад, алчбу и изнурение плоти Царствия ради Небеснаго понесл еси, к сему же и изгнание из обители, по наваждению вражию, безропотно претерпел еси. Вемы же, яко последи умолен быв от братии, яко незлобивый ягнец, паки в обитель твою возвратился еси и в туюдже тесную хижину вселился еси, яко адамант твердый, на невидимая бесовная полчища и видимыя враги твоя терпением себе вооружив.
Егда же попущением Божиим наидоша на обитель сию польстии ратницы, сих не убоялся еси смертнаго прещения, но уцеломудрив я словом, во своя си возвратитися сотворил ей. Сего ради Вргблагий Бог, видя твою веру и страдальческое долготерпение, дар прозорливства и исцеления тебе дарова: бесным бо исцеление, хромым доброхождение, слепым прозрение подавал еси, и иная многая с верою к тебе приходящым во благо даже днесь чудодействуеши. Мы же, недостойнии, таковая чудеса видяще и радости исполняющеся, взываем к тебе сице: радуйся, доблественный страдальче и бесов победителю, радуйся скорый наш помошниче и теплый к Богу молитвениче. Услыши убо и нас, грешных, молящихся тебе и прибегающих под кров твой; яви милостивное предстательство твое о нас ко Всевышнему и исходатайствуй твоими богоприятными молитвами вся полезная ко спасению душ и телес наших, сохрани святую обитель сию, всякий град и весь и всякую страну христианскую от всех наветов вражиих, в скорбех же и болезнех наших подавай «ам руку помощи, да твоим ходатайством и заступлением, благодатию же и милосердием Христа Бога нашего, избавимся и мы, недостойнии, по отшествии от жития его, шуияго стояния, и да сподобимся деснаго со всеми святыми во веки веков. Аминь".
