Молитвы от недуга расслабления, при параличе

   От недуга расслабления, при параличе читают молитвы:

• преподобному Александру Свирскому
• преподобному Иакову, игумену Железноборовскому
• благоверной великой княгине Московской Евдокии, в инокинях Евфросинии
• преподобному Иову, игумену и чудотворцу Почаевскому
• преподобному Максиму Греку
  

   "Преподобие и богоносне отче наш Иакове! Приими ныне нас, тебе усердно молящихся и припадающих ко всечестному и много целебному твоему гробу, идеже святое твое и многотрудное покоится тела Духом же на небесех предстоя Святей Троицы со ангелы и преподобных отцев лики, молися о нас, чадех твоих, отче, да избавимся от всяких скорбей, болезней, бед и обстояний, и благочестив поживем в настоящем житии, ходяще в заповедех и оправдани-их Господних безпорочно, и да явимся последователи святому и равноангельскому житию твоему. Ей, преподобие отче, молим тя, испроси нам же и всем, с верою к тебе притекающим, грехов прощение, телесем здравие, исправление жития и вечное спасение, яко да твоим предстательством спасение, славу возсылати сподобимся в Троице славимому Богу, Отцу и Сыну и Святому Духу, ныне и присно и во веки веков. Аминь". 

    "О преподобная княгине Евфросиние, добрая в женах подвижнице, прехвальная угоднице Христова! Приими моление нас, недостойных, с верою и любовию к раце мощей твоих припадающих, и твоим теплым к Богу ходатайством испроси граду твоему и людям от бед и напастей сохранение, обители тобою созданней утверждение и благоспеяние; подвизающымся же во обители твоей споспешествуй, яко во благодушии и терпении понести и ко исправлению жития своего добре подвизатися: в мире благочестно живущим испроси у Господа в вере твердость, во благочестии преуспеяние, и всем, с верою прибегающым к тебе и твоея просящым помощи и заступления, подавай всегда недугов исцеление в скррбех утешение и во всем житии благопоспещение; наипаче же умоли Господа в мире и покаянии земное житие прейти нам, от мытарств же горьких и мук вечных избавитися и Царство Небесное твоим ходатайством получити, идеже ты со всеми святыми Господу предстоищи, да славим Отца и Сына и Святаго Духа, ныне и присно и во веки веков. Аминь".

   "О преподобие отче Иове, иноков трудолюбнаго жития Богомудрый наставниче, кротости и воздержания, чистоты и целомудрия, братолюбия и нищелюбия, терпения и бдения от ранния юности до поздния старости неутомимый подвижниче, веры православныя великий ревнителю и непреоборимый поборниче, земли волынския и галицкая светило Богосветлое и святыя Почаевския обители непобедимый защитниче! Призри оком благоутробия твоего на нас недостойных чад твоих, к тебе усердно по вся дни прибегающих и на боголюбивые люди сия, пред твоими духоносными и многоцелебными мощами собравшыяся и благоговейно к тем припадающыя, и испроси предстательством твоим ко Всевышнему Владыце им и нам вся, яже к животу и благочестию, полезная и благопотребная: болящыя исцели, малодушныя ободри, скорбящыя утеши, обидимыя заступи, немощная подкрепи и поверженныя долу возстави, всем вся, благодатию тебе от Бога данною, даруй, по коегож-до нужде и потребе, во спасение души и во здравие телу.
   Вознеси, угодниче Божий, всемощную молитву твою о правителех государства нашего, да будет всегда в державе нашей мир и тишина, благочестие и благоденствие, в судех правда и милость, в советах мудрость и благое преспеяние, да утверждается же во благих человецех верность, в злых же страх и боязнь, во еже препрестати им от зла и творити добрая, да тако в державе Российстей Царство Христово растет и множится, и да прославится в нем Бог, дивный во святых своих: Емуже Единому подобает всякая слава, честь и поклонение, Отцу и Сыну и Святому Духу, ныне и присно и во веки веков. Аминь".