Молитвы при золотухе

   При золотухе с молитвами обращаются:

• Божией Матери перед Ее иконами "Всех скорбящих радость" и "Знамение" (Новгородская)
• священномученику Мокию
• мученику Диомиду
• святителю Московскому Алексию, всея Руси чудотворцу
• мученику Фалалею
• Исидору, Христа ради юродивому, Ростовскому чудотворцу
• бессребреникам Киру и Иоанну

"О великий угодниче Божий, святый праведный Исидоре! Помози мне, грешному, всегда страстию греховной побеждаемому: ты бо еси предстатель и заступник, и скорый помощник в скорбех моих, и усердный ходатай спасения моего.
Ты верою правою и трудом твоим вечныя славы и Царствие Небеснаго сподобился еси, и ныне у Престола Владыки всем, Царя Христа, Бога нашего предстоиши. Темже и молю тя, страстотерпче праведный: помяни мя, окаяннаго, в тине греховной валяющагося: уже бо не могу возвести очи мои к горнему Сиону, зане связан есмь сетьми диавольскими и попеченьми житейскими.
Избави мя молитвами Твоими от всех злых наветов вражиих и от всякаго греха, да прииму исцеление от язв греховных, от вселютейшаго змия наложенных мне.
Все житие мое окаянный аз во сластех мира сего изнурих, и не имам помощника, и не вем к кому прибегну, да подаст ми руку помощи. Сего ради к тебе прибегаю и сице молюся: о святый праведный Исидоре! Подаждь ми помощь в день Сграшнаго Суда: егда приидет Сын Человеческий судити всех, тогда умоли Того страшнаго и нелицемернаго Судию, да не осудит мя по беззаконием моим, но да поставит одесную Себе по велицей милости Своей.
Помолися Владыце Христу Богу, да и в нынешнем веце милостив будет нам, грешным и недостойным рабом Своим, и да утвердит мысль нашу, еже отвратитися нам от всякаго зла и соблюдати спасительная Его заповеди, и прочее время жития нашего прейти в покаянии и соблюдении Божиих заповедей, да достигше Небесных обителей, непрестанно славим Единаго Триипостаснаго Бога, Отца и Сына и Святаго Духа, ныне и присно и во веки веков. Аминь".